“ඉස්ලාම් ත්‍රස්තවාදය අතුගා දමනවා”

January 22, 2017 | 5:30 am    0   570

“ඉස්ලාම් ත්‍රස්තවාදය අතුගා දමනවා”

ඇමෙරිකාව අන්තවාදී ඉස්ලාම් ත්‍රස්තවාදයට එරෙහිව ශිෂ්ට ලෝකය සමග එක්වෙමින්, ඒ ත්‍රස්තවාදය සම්පූර්ණයෙන්ම මිහිතලයෙන් අතුගා දමන බව ඩොනල්ඩ් ට්‍රම්ප් අවධාරණය කරයි.

ඇමෙරිකාවේ නව ජනාධිපතිවරයා ලෙස දිවුරුම්දීමෙන් අනතුරුව ජාතිය අමතමින් ට්‍රම්ප් මෙසේ පවසා සිටියේය.

එමෙන්ම, ඇමෙරිකාව අංක එකට ගැනීමේ ප්‍රතිපත්තියේ තමන් සිටින බව ජනතාව ඉදිරියේ පොරොන්දු වූ ට්‍රම්ප් පවසා සිටියේ, තම ශරීරයේ වූ සෑම හුස්ම රැල්ලක්ම ඇමෙරිකානු ජනතාව වෙනුවෙන් සටන් කිරීමට යොදවන බවයි. එමෙන්ම, තමන් කිසිම විටෙක ඇමෙරිකානු ජනතාව පසුබසින ජාතියක් නොකරන බවද ඔහු අවධාරණය කළේය.

වෙළෙඳාම, බදු, සංක්‍රමණික, විදේශ ප්‍රතිපත්ති ආදී ඕනෑම තීරණයකදී ඇමෙරිකානු කම්කරුවන් හා ඇමෙරිකානු පවුල් ආරක්ෂා වන ආකාරයට ඒ සෑම තීරණයක්ම ගන්නා බවද ඔහු අවධාරණය කළේය.

එමෙන්ම, සිය කතාව තුළ පසුගිය ඔබාමා පාලන සමයේ දුර්වලතා පිළිබඳ ඉඟි කිරීම්ද පැවතියේය. කෙසේ වෙතත්, ඒ සිදුවීම් අතීතය බව සිහිපත් කළ ඔහු, අප දැන් බලන්නේ අනාගතය දෙස පමණක් බවද කියා සිටියේය.

Leave a Reply

Your email address will not be published. Required fields are marked *

%d bloggers like this: