ටෙස්‌ට්‌ පිලේ සුක්කානම යළිත් හේරාට

February 27, 2017 | 9:36 am    0   447

ටෙස්‌ට්‌ පිලේ සුක්කානම යළිත් හේරාට

ශ්‍රී ලංකාව සහ බංග්ලාදේශය අතර ලබන මස පැවැත්වීමට නියමිත තරග දෙකකින් සමන්විත ටෙස්‌ට්‌ ක්‍රිකට්‌ තරගයේ නායකත්වය රංගන හේරත්ට ලැබී තිබේ.

නිත්‍ය නායක ඇන්ජලෝ මැතිව්ස්‌ගේ ආබාධය සුවවීමට සති තුනක පමණ කාලයක්‌ වැය වෙන බවට වෛද්‍යවරු නිගමනය කිරීම හේතුවෙන් ශ්‍රී ලංකා ටෙස්‌ට්‌ නායකත්වය යළිත් රංගන හේරත්ට ලබාදීමට ශ්‍රී ලංකා ක්‍රිකට්‌ තේරීම් කමිටුව මෙසේ තීරණය කර ඇත.

දකුණු අප්‍රිකාව සමග පැවැති දෙවැනි විස්‌සයි විස්‌ස තරගය අතරතුරදී මැතිව්ස්‌ගේ දකුණු පාදයේ කලව ප්‍රදේශයේ අදාළ ආබාධය ඇති විය.

බංග්ලාදේශය සමග ටෙස්‌ට්‌ තරගාවලියට සහභාගි වීමට මැතිව්ස්‌ සූදානමින් සිටියද ඔහුගේ ආබාධය පරීක්‌ෂාකර බැලූ මහාචාර්ය අර්ජුන සිල්වා ඇතුළු වෛද්‍ය කණ්‌ඩායම විසින් මැතිව්ස්‌ට සම්පූර්ණ සුවය ලැබීමට තවත් සති තුනක පමණ කාලයක්‌ විවේක ගැනීමට නියමකළ හෙයින් ටෙස්‌ට්‌ තරගාවලිය ඔහුට අහිමි වී තිබේ.

ලබන සතියේ දිවයිනට පැමිණෙන බංග්ලාදේශ කණ්‌ඩායම සමග පැවැත්වෙන පළමු ටෙස්‌ට්‌ තරගය 7 වැනිදා ගාල්ල ජාත්‍යන්තර ක්‍රීඩාංගණයේදී පැවැත්වීමට නියමිතය.

Leave a Reply

Your email address will not be published. Required fields are marked *

%d bloggers like this: