මූල්‍යය ආයතනයක් නමින් කෝටි 10 ක් වංචාකළ අයෙක් අත්අඩංගුවට

මහනුවර නගර මධ්‍යයේ ව්‍යාජ මූල්‍යය ආයතනයක් පවත්වා ගෙන යමින් වැඩි පොළියක් ලබා දෙන බව පවසමින් ජනතාවගෙන් රුපියල් කෝටි 10 ක පමණ මුදල් තැන්පතු ලබාගෙන පළාගිය පුද්ගලයකු අත්අඩංගුවට ගැනීමට මහනුවර පොලීසිය පරීක්ෂණ පවත්වයි.
මහනුවර කොටුගොඩැල්ල වීදියේ ‍ගොඩනැගිල්ලක වසර දෙකක පමණ කාලයක් ව්‍යාපාරික ස්ථානය පවත්වා ගෙන යමින් මෙම පුද්ගලයා පුද්ගලයින් 200 ක ගෙන් පමණ තැන්පතු වශයෙන් මුදල් ලබාගෙන තිබෙන බව පොලිස් පරීක්ෂණ මගින් අනාවරණයවී ඇත.
සිද්ධියේ ප්‍රධාන සැකකරු ඉකුත් 29 දා සිට මූල්‍යය ආයතනය වසා දමා ප්‍රදේශයෙන් පළාගොස් තිබෙන අතර එහි ප්‍රධාන මූල්‍යය කළමණාකරිනියක ලෙස සේවය කළ කාන්තාවක් තැන්පත්කරුවන් විසින් අල්ලා ඊයේ (06) මහනුවර පොලීසියට බාරදී තිබේ.
අදාළ කාන්තාව සැකකරු ඉන්නා තැන දන්නා බවත් සැකකරු විදේශ ගතවීමට උත්සහකරන බවටත් තැන්පත් කරුවෝ චෝදනා කරති.
තම තැන්පතු සඳහා මුලින් පොළී මුදල් මාස කිහිපයක් ලබාදී පසුව එම ගෙවීම් සිදු කිරීම මඟ හැරි බවත් ඒ හේතුවෙන් තැන්පතු මුදල් ඉල්ලා සිටි අවස්ථාවේ කට්ටි පනිමින් සිටි සැකකරු මූල්‍යය ආයතනය වසා දමා ප්‍රදේශයෙන් පළාගොස් ඇති බවත් ඔවුහූ පවසති.
අදාළ මූල්‍යය වංචාව රුපියල් කෝටි 10 ක් පමණ වන බැවින් ඒ පිළිබඳ වැඩිදුර විමර්ශන කටයුතු මහනුවර පොලීසිය මගින් කොළඹ අපරාධ විමර්ශන අංශයට බාරදී ඇත.

What do you think of this post?
  • නියමයි (0%)
  • වටිනවා (0%)
  • සතුටුයි (0%)
  • දුකයි (0%)
  • තරහයි (0%)
Like

Leave a Reply

Your email address will not be published. Required fields are marked *

five × 1 =