රෝගීන්ගේ ගිලන් රියෙන් මළ සිරුරු ප්‍රවාහනය කරලා

December 27, 2016 | 9:00 am    0   651

රෝගීන්ගේ ගිලන් රියෙන් මළ සිරුරු ප්‍රවාහනය කරලා

ගිලන් රථ භාවිත කරනුයේ අසනීප තත්ත්වයෙන් පසුවන රෝගීන් ප්‍රතිකාර කටයුතු සඳහා ප්‍රවාහනය කිරීම පිණිසය. ගිලන් රථවලින් මළ සිරුරු ගෙන යෑම
නීතියෙන් තහනම් කර ඇත්තේ මළ සිරුරු වලින් විස බීජ නිකුත් වන බැවිනි.

ඉකුත් 23 වැනිදා උදෑසන 7.30ට පමණ ජයවර්ධනපුර රෝහලේ හදිසි අනතුරකට පත්ව ප්‍රතිකාර ලබමින් සිටි පුද්ගලයකු මිය ගොස් තිබේ. හදිසි මරණ පරීක්ෂණය සඳහා මෘත දේහය කළුබෝවිල ශික්ෂණ රෝහල වෙත රැගෙන යෑමට එම රෝහලේ ඇති ගිලන් රථයක් භාවිත කර ඇති බවට තොරතුරු අනාවරණය වී ඇත.

ජයවර්ධපුර රෝහලේ කාර්ය මණ්ඩලය ද මෙම ක්‍රියාවට තම විරෝධය පළ කර තිබියදී රෝහලේ නියෝජ්‍ය අධ්‍යක්ෂවරිය මෙම මෘත දේහය ගිලන් රථයෙන් ගෙන යෑම සඳහා තම අස්සනින් යුතුව ලිඛිත අවසරය ලබා දී ඇත.

උදෑසන 7.30ට පමණ මිය ගිය පුද්ගලයාගේ දේහය කළුබෝවිල රෝහල වෙත ගෙන යන විට සවස 5.00 දක්වා ප්‍රමාද වූ බවත් මිය ගිය රෝගියා වෙනුවෙන් ජයවර්ධනපුර රෝහලට රුපියල් ලක්ෂ 07කට වැඩි මුදලක් ද ගෙවීමට සිදුවී ඇති බවත් රෝහල් ආරංචි මාර්ග පවසයි.

(නිට්ටඹුව – විජේපාල කොඩිතුවක්කු)

Leave a Reply

Your email address will not be published. Required fields are marked *

%d bloggers like this: